Эрүүгийн цагдаагийн албаны Мал хулгайлах гэмт хэрэгтэй тэмцэх хэлтэс, Налайх дүүрэг дэх цагдаагийн хэлтсийн алба хаагчид хамтран Хэнтий аймгийн Өмнөдэлгэр сумын нутаг дэвсгэрээс 200 гаруй адуунаас 5 тооны адууг тасдаж авчирсан гэмт хэргийг үйлдэл дээр нь илрүүлж шалгахад Налайх дүүргийн 1 дүгээр хорооны нутаг дэвсгэрт мал махны түүхий эд худалдан авч, борлуулдаг “Х”, “Т”, “С”, “О”, “Б” нарын бүлэг этгээдүүд захиалга өгдөг, Багануур дүүрэг, Төв, Хэнтий аймгийн нутаг дэвсгэрээр бүлэг зохион байгуулалттайгаар тээврийн хэрэгсэл ашиглан мал хулгайлж бусдад их хэмжээний хохирол учруулсан малын хулгайн хүнд гэмт хэргийг илрүүлэн шалгаж байна.